akon ginhuna huna...
sa akon kabuhi ano gid bala...
ano ang pulos ko para sa akon isig kapareho...
sa akon mismo..
ano ang pulos ko sa pagsalbar,
sang kalibutan nga wasak kag daw indi na mapuslan....
realisasyon tuga sang damgo
nga sa maabot nga panahon tanan may pagbag-o
pero sa san-o kag paano ini matuman
kung kada isa puro kadalukan....
punyeta!
tan-awa ang palibot...
baho patay nga sapat kag puno sng lumot..
utok sng capitalista
kwarta sang isig kapareha
hakugan sa ekonomiya
gutom gin abot ta
hut-hut didto hut-hut diri
ikaw mismo wala ginlayo sa butiti
apang wala ikaw sang kalipay
haruthuton ang tanan pati pan-os nga tinapay
tawo!
tan-awa ang produkto sang imo kadalok...
lubak lubak nga kalibutan..
ang masanag nga bahin imo na gintakpan,
ikaw gid lang ang rason sang iya kamatayan...
tanan nagamit mo na
tanan ginabusaran mo na
ano pa ang bili sang imo kalibutan?
may ara ka pa bala paagi nga nabal-an?
kung bo-ot imo na lang patyon
para pati ikaw ...tawo...magapahuway nga dayon....
No comments:
Post a Comment